RESULTADOS do CAMPIONATO DE GALICIA 5000 e 10000 AL (18 marzo, Santiago)

A pasada fin de semana disputouse na localidade de Santiago de Compostela o CAMPIONATO DE GALICIA DE 5.000 e 10.000 na pista ao Aire Libre, cita á que acudiron atletas das categorías SUB18 ata máster. Tres foron os representantes do LUCUS CAIXA RURAL GALEGA, coñece os resultados!

Ás 11:00 horas comezaba a primeira das probas desta xornada do domingo 18 de marzo, sendo as mulleres das categorías SUB18 e SUB20 nos 5.000 metros. Carlota Ansede, atleta feminina SUB20, conseguiría rematar na terceira posición, co 2º posto na súa categoría e unha primeira marca da tempada de 20:42.09, mellorando o seu tempo con respecto ao ano pasado.

Será na última proba desta cita, ás 12:45h., cando participarían Esteban Iglesia e Kevin Darriba, nos 10.000 metros que comprendeu atletas desde SUB20 a máster. Nun tempo de 31:56.41, logrando a súa mellor marca persoal ata o momento, Esteban Iglesia remataría esta proba co 1º posto, converténdose no campión dos 10.000 metros a nivel autonómico. Kevin Darriba, pola súa parte, acadaría a décima posición no ránking absoluto e o 4º posto na súa categoría cun tempo de 35:23.75, estreándose nesta modalidade a presente tempada e con moi boas sensacións. Aquí tedes os resultados completos por se os queredes consultar.

NORABOA!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email
Share on Google+
Google+

Deja un comentario

Tu dirección de correo electrónico no será publicada. Los campos obligatorios están marcados con *