VII LIGA ABANCA DE CATEGORÍA MENORES – FASE CLASIFICATORIA (sábado 15 decembro, Ourense)

Quentando motores están os/as atletas da nosa Escola de Atletismo, logo da participación no cross o pasado domingo e coa vista xa posta na Fase Clasificatoria da VII LIGA GALEGA ABANCA DE CATEGORÍAS MENORES, que se disputará o vindeiro sábado 15 de decembro en horario de mañá, xunto coa localidade ourensá, na Pista Cuberta de Ourense.

A participación será por equipos, nos que puntuarán todos os membros de cada categoría para cubrir as distintas probas, na loita por un obxectivo común como é a clasificación para a Fase Final, á que terán acceso os Clubs vencedores e os cinco con máis puntos das xornadas previas. As distintas probas que defenderán os/as atletas do LUCUS CAIXA RURAL GALEGA serán as seguintes, en cada un dos equipos feminino e masculino das categorías SUB10, SUB12  e SUB14.

SUB10/BENXAMÍN SUB12/ALEVÍN SUB14/INFANTIL
50 m.l. 60 m.l. 60 m.l.
500 m.l. 500 m.l. 500 m.l.
1.000 m.l. 1.000 m.l. 1.000 m.l.
60 m.v.
Peso 1kg Peso 2kg Peso 3kg
Lonxitude Lonxitude Lonxitude
Altura Altura Altura
Pértega
Triplo salto
Relevo 4×50 Relevo 4×50 Relevo 4×50

 

Consulta as participacións dos equipos e o horario das probas!

Segue os resultados da xornada en directo!

 

A plan de viaxe será a seguinte: sairemos en autobús desde Lugo (ás 7:30 horas nas Pistas de Atletismo do Estadio Gregorio Pérez Rivera, onde adestran), comeremos alí en Ourense e voltaremos ao remate do xantar, tamén en autobús. Na subida ao transporte, deberedes abonar 5€/atleta, coma sempre, para o traslado e a comida. Para unha mellor organización e para garantir a puntualidade nas probas, ROGAMOS QUE ACUDADES 5/10 MINUTOS ANTES, pois a hora é a de saída do autobús.

Sen máis, agardamos as vosas participacións (se aínda non confirmastes a asistencia por calquera das vías dispoñibles, podedes facelo antes deste sábado 8 de decembro ás 22:00 horas) e animámosvos a formar parte desta xornada competitiva na que, ademais de traballar en equipos, terán a oportunidade de convivir como Club e pasar un día do máis emocionante. Deixamos nos seguintes enlaces máis información sobre a xornada e, calquera outra dúbida que teñades, encantaranos respondervos a través de escolalucus@gmail.com.

👉 Regulamento Fase Clasificatoria 👉 Horario das probas
VÉMONOS PRONTO!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email
Share on Google+
Google+

Deja un comentario

Tu dirección de correo electrónico no será publicada. Los campos obligatorios están marcados con *