RESULTADOS da COPA DEPUTACIÓN OURENSE – 1ª Xornada (15 decembro, Ourense)

Logo da participación das categorías menores na Pista Cuberta Expourense, sería a quenda das atletas do Club na xornada da tarde, na que tiña lugar a COPA DEPUTACIÓN OURENSE DE ATLETISMO, nunha primeira rolda que ofrecía diversas probas de velocidade, valos, medio fondo, pértega, lanzamento de peso e salto de lonxitude.

A primeira en estrearse sería Adi Iglesias, que debutaba nos 60 m.l. no seu primeiro ano como SUB23, proba que remataría no segundo posto e un rexistro de 8.06, preto da súa mellor marca da tempada anterior. Arredor das 19 horas da tarde, Carla Mourelle era a que tomaba parte na lonxitude, partindo como unha das favoritas a gañar a proba e que remataba co primeiro posto na súa estreada categoría como SUB18, cun mellor salto de 5.08 metros. Xa para rematar, repetía participación Adi, que disputaba a derradeira proba da tarde cos 400 m.l. femininos, detendo o cronómetro nos 1:02.14, que a convertía na primeira en cruzar a meta na súa serie e a cuarta posición entre as atletas da súa categoría.

Na imaxe posterior tedes os resultados completos desta primeira quenda da Copa Deputación ourensá, así como o regulamento da 2ª Xornada, que se disputará o vindeiro domingo 23 de decembro, tamén na Pista Cuberta de Ourense (Expourense), ao longo da mañá.

Regulamento da 2ª Xornada Copa Deputación Ourense (domingo 23 decembro)
NORABOA ATLETAS!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email
Share on Google+
Google+