COPA DEPUTACIÓN DE LUGO – 2ª Xornada (sábado 26 xaneiro)

Este sábado 26 de xaneiro será a quenda para disputar a segunda xornada desta COPA DEPUTACIÓN DE LUGO, que terá lugar no módulo cuberto e nas pistas do Estadio Gregorio Pérez Rivera en horario de mañá e de tarde, coa proba de xavalina o domingo 27 pola mañá.

A partir das 10:00 horas darase comezo coa participación das categorías da Escola de Atletismo, onde a SUB10, SUB12 e SUB14 terán para escoller o salto de lonxitude, triplo e o lanzamento de peso, ademais dos 500 metros lisos ao aire libre. A media mañá, serán as categorías SUB16 en adiante as protagonistas das probas na pista ao aire libre, deixando a velocidade e os valados para a xornada da tarde; mentres que a xavalina será aprazada ao domingo, desde as 11:15h para os homes e ás 12:40h para as mulleres.

De novo, adxúntase o horario definitivo, información sobre o regulamento da proba e o enlace para seguir os resultados da competición en directo.

HORARIO DEFINITIVO

(probas do módulo)	(probas ao aire libre)
➤ Regulamento e horario definitivo

AGARDÁMOSVOS MAÑÁ!