FALECEMENTO D. JESÚS LENCE – LEYMA

O Club de Atletismo LUCUS CAIXA RURAL GALEGA quere manifestar o seu profundo pésame polo falecemento de Don Jesús Luis Lence Ferreiro. O deporte lucense perdeu a un gran colaborador, que axudou como poucos a multitud de clubs e deportistas a sacar adiante os seus proxectos. En nome das rapazas e rapaces que forman o Lucus, queremos darlle o noso máis sincero agradecemento pola súa colaboración con este club e trasladar á súa familia o noso cariño e recoñecemento.

Esta escola de formación de persoas e deportistas, que é o Lucus, é posible polo esforzo dos monitores e monitoras e dos máis de 250 atletas que a compoñen, pero tamén o é pola axuda de empresas como a do noso bo amigo Jesús, quen coa súa aportación permítenos sosternos.

GRAZAS. DESCANSA EN PAZ.