CAMPIONATO DE GALICIA DE CLUBS SUB10, SUB12 e SUB14 (venres 17 maio, O Barco)

Mañá venres 17 de maio, coincidindo co Día das Letras Galegas, as categorías menores da nosa Escola de Atletismo desprazaranse ata O Barco de Valdeorras para disputar o CAMPIONATO DE GALICIA DE CLUBS SUB10, SUB12 e SUB14, na que o Lucus Caixa Rural Galega participará cos seus equipos SUB12 e SUB14.

Na xornada de mañá, a partir das 10:30 horas, serán os equipos feminino e masculino da categoría SUB12 os que loiten nas distintas probas atléticas, sumando puntos cun obxectivo común e facendo deste deporte individual un disfrute colectivo. Xa pola tarde, desde as 16:30 h. reanudarase a competición e será a quenda da categoría SUB14, onde os nosos equipos feminino e masculino darán o mellor de si por situarse nos primeiros postos e optar aos respectivos títulos autonómicos. Tedes a continuación o horario da xornada, así como as probas que se disputarán e demais información de interese, como a plan de viaxe, a representación do Club ou os resultados en directo.

HORARIO DEFINITIVO

CATEGORÍA SUB12 (2009-2008)
CATEGORÍA SUB14 (2007-2006)

En canto aos desprazamentos, están organizados do seguinte xeito:

  • Categoría SUB12: sairá un autobús ás 8:00 horas desde as pistas de atletismo do Estadio Gregorio Pérez Rivera, en Lugo. A comida será alí preto das pistas co equipo e voltarase ao remate da competición, arredor das 21:30/22horas (avisarase polo grupo con máis detalle).
  • Categoría SUB14: sairá un autobús ás 14:00 horas desde as pistas de atletismo do Estadio Gregorio Pérez Rivera, en Lugo. A volta será conxunta ao remate da competición, arredor das 21:30/22 horas.
  • IMPORTANTE: na subida ao transporte deberedes abonar 5€/persoa en concepto de gastos para a viaxe. Para garantir a puntualidade nas probas, ROGAMOS ACUDIR 10 MINUTOS ANTES da hora de saída, co fin de partir e chegar ás horas previstas.

Coma noutras ocasións, LEMBRA!

  • Levar contigo o documento nacional de identidade, ou equivalente.
  • Traer imperdibles para colocar o dorsal, ademais das zapatillas de cravos (se as tes).
  • Vestir a equipación de competir do Club.
  • Informar na maior brevidade posible a calquera dos/as responsables da Escola ante calquera imprevisto.
AGARDAMOS O VOSO APOIO AOS DISTINTOS EQUIPOS!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *