CAMPIONATO DE GALICIA SUB16 e SUB18 AIRE LIBRE (sábado 25 maio, Vigo)

Esta fin de semana estará protagonizada polas diferentes competicións que terán lugar nas localidades galegas, desde as categorías menores, a especialidade de fondo ou os campionatos autonómicos de aire libre para os/as atletas SUB16 e SUB18, que están disputando ao longo do día de hoxe o seu CAMPIONATO DE GALICIA SUB16 e SUB18 nas pistas de atletismo de Balaídos, en Vigo.

Ata alí desprazáronse máis dunha decena de atletas para representar ao Lucus Caixa Rural Galega e loitar polo título autonómico nas distintas probas, nunha oportunidade única de amosar o traballo realizado desde o comezo de tempada ata agora. Comezando pola representación SUB16, debutarán os xovencísimos Rubén Darriba nos 3.000 metros lisos e Martín Rouco nos lanzamentos de disco e martelo, no seu primeiro ano nesta nova categoría. A mesma situación na que se atopan a meirande parte das rapazas, sendo Sara Álvarez (300 m.l.), Ana Ben (600 m.l.), Carla Díaz (1.500 obstáculos) e Eva Díaz (300 m.v. e triplo salto) as que fagan o seu nas probas femininas, ademais das lanzadoras Sabela Sureda (peso) e Demekech Vázquez (xavelina) e a atleta de segundo ano Mariña Peixoto, que participará nos 3.000 metros lisos e marcha.

Na categoría SUB18, por outra banda, participarán nas carreiras Brenda Lence (100 metros lisos e 200 m.l.) e Iria Brea (400 metros valados); mentres que Diego Piñeiro (triplo salto), Raquel López (pértega) e Carla Mourelle (salto de lonxitude) serán os protagonistas nos concursos, partindo das primeiras posicións na lista de inscricións e con moitas posibilidades de ascender ao podio. Tedes toda a información relativa ao campionato autonómico nos enlaces posteriores.

MOITO ÉXITO, ATLETAS, VÓS PODEDES!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *