CAMPIONATO DE GALICIA SUB14, SUB20 e SUB23 (sábado 22 xuño, Lugo)

Continúan as competicións autonómicas correspondentes ás distintas categorías e atletas, nesta ocasión con xornada dobre de mañá e de tarde para dar por rematada a tempada de aire libre ou conseguir as marcas mínimas necesarias para tomar parte nos relativos campionatos a nivel nacional.

A partir das 10:00 horas, disputarase o CAMPIONATO DE GALICIA SUB14 ao aire libre, onde os/as atletas maiores da Escola de Atletismo tratarán de amosar o traballado ao longo da tempada; moitos deles e delas, despedirán tamén a súa formación nesta categoría para voltar das vacacións como parte do Club, nunha nova e ilusionante etapa deportiva. Nos enlaces posteriores tedes toda a información relativa á competición, a lista de atletas admitidos/as e o regulamento; ademais do horario das probas.

HORARIO CATEGORÍA SUB14 (2006-2007)

IMPORTANTE! Lembrade as recomendacións habituais (levar o documento de identidade, imperdibles para colocar o dorsal, zapatillas de cravos e acudir polo menos 50 minutos antes da hora de cada proba para a preparación previa e a confirmación en cámara de chamadas).

MOITO ÉXITO!!

En canto á xornada vespertina, será a partir das 16:30 horas cando se inicie o CAMPIONATO DE GALICIA SUB20 e SUB23, onde as categorías previas á absoluta loitarán por conseguir os mellores postos e superar as súas marcas persoais, con vistas aos campionatos nacionais que virán nas próximas semanas.

Por parte das rapazas, Uxía Sureda participará nos lanzamentos de disco e xavelina, mentres que a súa compañeira de especialidade María Sonsoles Quiroga tomará parte no martelo. Adi Iglesias será a que protagonice a velocidade, coa súa participación nos 100 m.l.200 metros lisos e a fondista Laura Santos fará o seu no medio fondo, pois correrá os 1.500 m.l. Máis numerosa será a participación masculina, na que Santiago Rozas representará ao Club nas probas valadas (110 m.v. e 400 m.v.) e nos 100 metros lisos, nesta última proba acompañado por Miguel Borrego. No fondo e na marcha serán os atletas Xavier Rodríguez e Daniel Pérez os que disputen os 5.000 m.l., con Emilio Novás nos 5.000 metros marcha e Kevin Darriba nos 3.000 obstáculos. Raúl Rodríguez tomará parte na maioría dos lanzamentos, probando sorte no martelo, disco e no peso; mentres que Xavier Esteban tratará de vencerlle ao listón no salto de altura

Podedes consultar nos enlaces posteriores toda a información sobre o campionato, o horario definitivo, regulamento e os demais participantes en cada unha das probas. Xa están dispoñibles tamén os resultados en directo!

SORTE A TODOS/AS!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *