III CONGRESO DE ADESTRAMENTO DE ATLETISMO (26 outubro, Madrid)

O pasado venres desprazáronse ata a localidade de Madrid varios dos nosos adestradores do Club e monitores/as da Escola de Atletismo para acudir ao III CONGRESO DE ADESTRAMENTO DE ATLETISMO, que tiña lugar na mañá e tarde do sábado 26 de outubro nas instalacións da Facultade de INEF.

Presentación do III Congreso de adestramento de atletismo.

A temática deste ano tiña como base a evolución do adestramento «Da escola de atletismo á elite» e «o adestramento da velocidade», con destacados ponentes que achegaron as súas experiencias e coñecementos ao gran número de asistentes, tanto alí presentes no acto como os que seguían as intervencións a través de internet.

A primeira delas foi Irene Pellicer, que motivou ao público cunha ponencia activa e enriquecedora sobre a influencia da actividade física na aprendizaxe e as emocións; á que seguiría o francés Pierre-Jean Vazel, contando a súa experiencia no adestramento de atletas mozos/as e de alto nivel; e despois complementaría Arturo Martín, adestrador de atletas destacados como o noso Adrián Ben e que actualmente atópase no Centro de Alto Rendemento de Madrid.

Representación galega no Centro de Alto Rendemento de Madrid.

A segunda parte da xornada centraríase na velocidade, coa oportunidade de comprobar nunha pequena demostración a utilidade de aplicacións novas que permiten personalizar o seu adestramento, adaptándoo individualmente a cada atleta e as súas características, na que Pedro Jiménez e Carlos Balsalobre foron os principais condutores; tanto da parte teórica como da práctica.

Para rematar, Valentín Rocandio exporía a perspectiva máis técnica do adestramento da velocidade cos mozos e mozas, pechándose o congreso cun coloquio entre os/as asistentes e os/as protagonistas das ponencias expostas, onde puideron resolver as dúbidas do público e seguir compartindo experiencias. 

En definitiva, e no que todas e todos os asistentes de seguro coinciden, resultou unha xornada do máis interesante da que os/as representantes do Lucus Caixa Rural Galega tomaron boa nota, co fin de seguir enriquecendo a súa formación e mellorando na súa práctica.

Graciñas por compartir tantos coñecementos e experiencias!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *