TROFEO DE NADAL Lugo Running Club (sábado 21 decembro, Lugo)

Mañá sábado 21 de decembro despediremos o ano co TROFEO DE NADAL LUGO RUNNING CLUB que terá lugar no Módulo Cuberto de Lugo, nas instalacións do Estadio Gregorio Pérez Rivera. Será en horario único de tarde, a partir das 17:00 horas, e servirá para rematar o 2019 nunha festa do atletismo en pista cuberta, con vistas a desfrutar das probas e conseguir as marcas mínimas para os campionatos que abrirán a nova tempada deportiva.

Entre as probas que se disputarán destacan o salto de altura, lonxitude e triplo salto nos concursos e as series de 60 metros lisos e 60 metros valados como principais carreiras, e nelas poderán participar atletas desde a categoría SUB16 ata Máster. A xornada pecharase coa cerimonia de premiación, na que se entregará un trofeo conmemorativo ás vencedoras e vencedores de cada proba e un lote de produtos Torre de Núñez ás tres mellores marcas absolutas de cada sexo, segundo a táboa de puntuación IAAF. 

Deixámosvos o horario definitivo a continuación, xunto con enlaces de interés como a lista de atletas admitidos/as, os resultados en directo e o regulamento da competición, onde podedes resolver as vosas dúbidas.

HORARIO DEFINITIVO

MOITO ÉXITO A TODOS/AS!!