INCRIBLE DEBUT DE ADI IGLESIAS NOS XOGOS PARALÍMPICOS – TOKIO 2020

© Adi Iglesias. El Confidencial.

Aínda estamos sen palabras coa participación de Adi Iglesias nos seus primeiros Xogos Paralímpicos en Tokio. Logo duns días cheos de ilusión, emoción e sentimento de equipo, Adi remataba o seu debut na competición paralímpica con dúas medallas, marca persoal e unha experiencia que, sen dúbida, non esquecerá no resto da súa vida.

Tras o período de adaptación na capital xaponesa, comezaba a súa participación coa rolda semifinal dos 100 metros lisos, na que conseguía a segunda mellor marca da final cun tempo de 12.20 e a clasificación directa na proba; rexistro que rebaixou ata os 11.96 na segunda carreira e que lle deu a MEDALLA DE OURO, converténdose na vixente campioa paralímpica da categoría T13.

Dous días despois, centrada xa nos 400 metros lisos, liderou a rolda semifinal cun tempo de 55.70 segundos; que baixaría na final ata os 55.53 segundos, establecendo a súa mellor marca persoal e logrando a merecida MEDALLA DE PRATA. Nunha proba especialmente dura para ela e da que partía sen apenas referencias, lograba subir ao podio como a actual subcampioa paralímpica e superar así todas as barreiras.

© Comité Paralímpico Español.

Con tan só 22 anos, e despois de consolidarse como unha das figuras de referencia no panorama internacional, conseguía superar todas as expectativas que levaba aos seus primeiros Xogos Paralímpicos, cumprir o soño de obter unha medalla olímpica e desfrutar dunha competición na que puido compartir espazo coas mellores do mundo, converténdose nun exemplo de superación, constancia e inspiración para todas e todos os atletas que soñan con chegar ao máis alto nivel neste deporte, o atletismo.

© Adi Iglesias. Comité Paralímpico Español.

Non hai mellor motivación para os máis pequenos –e non tan pequenos– que ver como alguén con quen comparten a pista deportiva e os adestramentos, persegue as súas metas con moito traballo, esforzo e sacrificio e logra alcanzar os seus obxectivos. Sabemos que isto só acaba de empezar, pero queremos que saibas que estamos xa máis que orgullosos de ti

NORABOA ADI, ERES MOI GRANDE!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Dejar una respuesta

Tu dirección de correo electrónico no será publicada. Los campos obligatorios están marcados con *