NOVO SERVIZO DE SAÚDE E RENDEMENTO DA MAN DE DOSIPG
Así é, esta tempada incorporouse ao Lucus Caixa Rural Galega o fisioterapeuta Dositeo Pena Gómez que, ademais de fichar como atleta máster, porá a disposición dos/as atletas e persoal do Club os seus servizos médicos, cunha ampla actividade e experiencia no eido deportivo.
Titulado en fisioterapia, especialista en fisioterapia deportiva, osteópata e terapeuta en psiconeuroinmunoloxía, conta cun amplo percorrido no coidado de deportistas de alto nivel en equipos nacionais de fútbol sala, baloncesto e atletismo, sendo na actualidade un dos fisioterapeutas dos servizos médicos da Real Federación Española de Atletismo.
Entre os tratamentos de saúde e rendemento que ofrece, podedes atopar:
- Fisioterapia: tratamento de lesións deportivas, lesións locais, masaxe, etc.
- Osteopatía: tratamento de lesións en máis dunha zona do corpo, dor de costas, etc.
- Psiconeuroinmunoloxía clínica (PNI): optimización do rendemento, déficit de enerxía, enfermidades crónicas, etc.
- Asesoramento en problemas de saúde.
Ademais, todos e todas as atletas do Lucus Caixa Rural Galega teredes unha bonificación do 25% de desconto en catro sesións, sendo a cuarta sesión gratuíta por acudir desde o Club.
Deixámosvos os seus datos de contacto para que poidades informarvos con máis detalle e resolver calquera dúbida que teñades.
Dositeo Pena Gómez – «Dosi»
Fisioterapeuta. Nº colexiado 153. Galicia
Tlf. 679 44 99 45
E-mail: SR@dosipg.eu
Páxina web: www.dosipg.eu
BENVIDO AO CLUB, DOSI!!
También te puede interesar
Campus de Verán 2018
ABERTO O PRAZO PARA TRAMITAR AS LICENZAS – TEMPADA 2022
