INSCRICIÓNS ABERTAS PARA A ESCOLA DE ATLETISMO – TEMPADA 2022/23

Comeza o mes de setembro e, con el, xa está ABERTA A INSCRICIÓN para anotarse á Escola de Atletismo unha nova tempada. Estamos traballando para ultimar todos os detalles da Tempada 2022/23 e poder comezar os adestramentos a mediados de setembro nas pistas do Estadio Gregorio Pérez Rivera.

Esta nova tempada trae algunhas novidades respecto á xestión deportiva do Club, que se realizará principalmente a través da plataforma CLUBER, unha aplicación que podedes utilizar desde a web ou desde a app descargable en calquera dispositivo móbil e que ten como finalidade facilitar a relación entre o Club, atletas e familias dun xeito moi intuitivo. Entre elas destacan:

  • Novo formulario de inscrición online para a Escola de Atletismo.
  • Novo método de pago das cotas da Escola, que este ano modifícanse cunha matrícula inicial e pagos mensuais dos adestramentos.
  • Novo formulario de reserva e compra online da equipación obrigatoria da Escola.

Os grupos provisionais de adestramento serán os seguintes, en función da categoría dos/as atletas:

  • Categorías SUB8 (2017-2016) e SUB10 (2015-2014): a escoller 2 días/semana.
    • Martes, mércores e venres de 17:00 a 18:00 horas.
  • Categoría SUB12 (2013-2012): a escoller 2 días/semana.
    • Martes, mércores e venres de 18:00 a 19:30 horas.
  • Categoría SUB14 (2011-2010): 3 días/semana.
    • Martes, mércores e venres de 18:00 a 19:30 horas.
 
Podedes realizar xa a vosa inscrición na Escola de Atletismo ou vir probar sen compromiso a presente tempada 2022/23 se aínda non nos coñecedes. Só tedes que cubrir o formulario correspondente con carácter previo á asistencia e asegurar a vosa praza. No caso de proba gratuíta (pre-inscrición), deberá entregarse ben por correo electrónico a escolalucus@gmail.com ou de xeito presencial o primeiro día que acuda ás pistas. Non se poderá participar nos adestramentos sen ter presentado calquera dos dous impresos previamente. Deixámosvos o acceso directo aos formularios nos seguintes enlaces.
 
Por se tedes dúbidas para realizar a inscrición desde a nova plataforma Cluber, elaboramos un titorial paso a paso para que non teñades ningún problema. É moi sinxelo! Podedes botarlle un ollo desde aquíINSCRICIÓN DESDE CLUBER.

 

Se tedes máis dúbidas, podedes consultar toda a información actualizada no apartado «Escola de Atletismo» da nosa web, facendo clic no botón de abaixo. Calquera outra dúbida ou pregunta que teñades, quedamos á vosa disposición no correo electrónico ou o teléfono de contacto do Club, onde vos responderemos o antes posible.

ESTAMOS DESEXANDO COMEZAR, AGARDÁMOSVOS!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Dejar una respuesta

Tu dirección de correo electrónico no será publicada. Los campos obligatorios están marcados con *