QUEN SOMOS?

.Unha escola base de iniciación ao atletismo integrada no noso Club LUCUS CAIXA RURAL GALEGA, o máis antigo da provincia de Lugo, con máis de 35 anos de existencia e do que forman parte un equipo de adestradores e atletas de recoñecido prestixio.

Na actualidade, o equipo da nosa Escola de Atletismo está composto por:

Director: Pablo Modia.
Monitores/as: Silvia de Albuquerque, Raúl Álvarez, Agustín Cordero, Pablo Gandoy e Iván Rey.

POR QUE ATLETISMO?

É unha combinación de modalidades (correr, saltar e lanzar) que permite unha iniciación deportiva global e na que todos os nenos e nenas teñen cabida.
Fomenta a creación de hábitos de vida saudables.
Aporta a riqueza dun deporte individual, como é o atletismo, coa práctica colectiva e o sentimento de pertenza ao equipo.

OBXECTIVOS DA ESCOLA

Educar a través do atletismo.
Adquirir as habilidades psicomotrices xerais de base.
Aprender as técnicas básicas do atletismo para conseguir un rendemento óptimo.
Coñecer e experimentar os distintos sectores e probas que constitúen este deporte.
Participar en competicións escolares diversas como o campo a través e a pista (cuberta e aire libre).

TEMPADA 2021/2022

ATLETAS

Nenas e nenos nados do ano 2009 ata o 2016.

DURACIÓN

Do 17 de setembro ata finais de xuño (segundo calendario escolar).

GRUPOS

A Escola organízase por categorías, en función da idade dos/as atletas.

Categoría SUB8 (antiga prebenxamín): atletas do 2016 e 2015.
Categoría SUB10 (antiga benxamín): 2014 e 2013.
Categoría SUB12 (antiga alevín): 2012 e 2011.
Categoría SUB14 (antiga infantil): 2010 e 2009.

HORARIOS E LUGAR

IMPORTANTE: hai cambios con respecto a tempadas anteriores por mor das medidas sanitarias fronte á COVID-19, lembrade revisar os días e as horas segundo o(s) grupo(s) específico(s).

Os adestramentos de todas as categorías teñen lugar nas Pistas de Atletismo do Estadio Gregorio Pérez Rivera (baixando da piscina As Pedreiras), nos seguintes días e horas:

Categorías SUB8 e SUB10 (ata 2 días/semana): martes e venres de 17:00 a 18:00 horas.
Categoría SUB12 (ata 2 días/semana): martes e venres de 18:15 a 19:30 horas.
Categoría SUB14 (ata 3 días/semana): martes, xoves e venres de 18:15 a 19:30 horas.

GRUPOS DE ADESTRAMENTO – TEMPADA 2021/2022

LUNS

MARTES

MÉRCORES

XOVES

VENRES

17:00-18:00h

SUB8

SUB10

SUB8

SUB10

18:15-19:30h

SUB12

SUB14

SUB12

SUB14

Se tes problemas para visualizar correctamente a táboa, xira a pantalla en horizontal ou fai clic ➤ aquí.

COTA ANUAL DA ESCOLA

Cota estándar: 160€ (inclúe seguro de accidentes).
No caso de 2 irmáns: 290€.
No caso de 3 irmáns: 320€.

A ingresar a comezo da tempada nun único pago ou en pago fraccionado. En caso de fraccionar a cota, o primeiro ingreso será do 60% (95€ na estándar, 175€ se son 2 irmáns e 190€ se son 3 irmáns) e o segundo do 40% restante (65€ no primeiro caso, 115€ no segundo e 130€ no terceiro), que quedará domiciliado e será pasado a cobro no mes de febreiro de 2022. [AVISO: no pago fraccionado, os intereses ocasionados por devolución do recibo domiciliado serán responsabilidade da persoa interesada, en ningún caso do Club].

A cota deberá ser abonada na conta bancaria do CLUB ATLETISMO LUCUS, na entidade CAIXA RURAL GALEGA, nº ES86 3070 0001 2111 3726 5623, indicando en CONCEPTO: NOME COMPLETO ATLETA (cota total ou pago fraccionado).

Para as inscricións que se realicen durante a tempada, o importe da cota será proporcional ao momento no que se incorporen á Escola de Atletismo (podes consultar as tarifas aquí).

EQUIPAMENTO DA ESCOLA

Será obrigatorio adquirir o equipamento básico da Escola de Atletismo: camiseta e suadoiro (25€). Debido á actual situación sanitaria e ás condicións do uso da máscara (obrigatoria en interior e recomendable en exterior), os/as atletas deberán adquirir a máscara deportiva (5€ ~~10€~~, o Club cubrirá o 50% do importe na primeira unidade por ser obrigatoria; o importe por defecto é de 10€).

Para comprar material adicional (mochila, parka, chuvasqueiro, saco, chándal, etc.) informarase dos prezos a través do enderezo electrónico ou na oficina de Club.

CAMISETA (7€)	SUADOIRO (18€)

MÁSCARA DEPORTIVA (5€ ~~10€~~, o Club cubrirá o 50% do importe na primeira unidade por ser obrigatoria; o importe por defecto é de 10€)

Para a participación nas competicións que teñan lugar ao longo da tempada, o Club proporcionará a roupa de competir en réxime de préstamo, previo abono dunha fianza de 30€ que será devolta coa entrega do equipamento deportivo, ao remate da Escola de Atletismo.

! MEDIDAS FRONTE Á COVID-19

O cumprimento das medidas recollidas no protocolo COVID-19 serán de carácter obrigatorio para todas as persoas vinculadas á Escola de Atletismo (atletas, monitores/as, adestradores/as e familias).

Prégase ler detidamente o protocolo elaborado e consultar calquera dúbida.

LUGAR DE CHEGADA E RECOLLIDA DE ATLETAS POR CATEGORÍA

DESPRAZAMENTOS E COMIDAS

Nas viaxes en autobús para as competicións, cada atleta deberá abonar 5€ en concepto de desprazamento e, de ser o caso, de xantar, para cubrir os gastos derivados. Os cartos entregaranse ao monitor ou monitora encargados no momento da subida ao bus.

RECOMENDACIÓNS

É recomendable que acudan sempre ás pistas con calzado deportivo de recambio para cando os adestramentos teñan lugar no módulo cuberto de atletismo, se a meteoroloxía así o esixe, pois é obrigatorio entrar á instalación con calzado diferente ao da rúa (é unha NORMA DO CONCELLO).

IMPORTANTE: por mor das restricións sanitarias derivadas da COVID-19, o aforo máximo por grupo no Módulo Cuberto quedou reducido a 10 persoas/grupo polo que, na medida do posible, limitarase o seu uso pola Escola de Atletismo. Recoméndase traer unha mochila con roupa de cambio os días de choiva, pois os adestramentos poderán ser ao aire libre, en caso de non ter outra alternativa.

INSCRICIÓN E/OU PROBA GRATUÍTA

Por mor das novas medidas recollidas no protocolo COVID-19 e no contexto da actual situación sanitaria, para formar parte da nosa Escola de Atletismo a presente tempada 2021/2022 ou probar un par de sesións sen compromiso, deberá solicitarse previamente a través do enderezo electrónico escolalucus@gmail.com. Non se poderá acudir aos adestramentos sen ter presentado previamente o impreso de inscrición ou impreso de inscrición de proba gratuíta, xunto coa declaración responsable fronte á COVID-19.

CONTACTO

Podes poñerte en contacto con nós a través do enderezo electrónico escolalucus@gmail.com ou atoparnos no local do Club situado nas Pistas de Atletismo do Estadio Gregorio Pérez Rivera (Piscina As Pedreiras). Por mor da situación sanitaria, a atención presencial estará máis limitada; en caso de asunto urxente, atenderémoste por vía telemática.