PROTOCOLO DE ACCIDENTES DEPORTIVOS
Lémbrase que, en caso de accidentes deportivos que requiran de atención médica, ben sexa nos adestramentos ou durante as competicións, o PROTOCOLO DE ACTUACIÓN deberá ser o seguinte.
É MOI IMPORTANTE o seguimento estricto destas pautas pois, en caso contario, non quedará cuberta polo seguro a atención médica recibida e deberá correr cos gastos sanitarios ocasionados o/a afectado/a.
En caso de URXENCIA VITAL, acudir ao centro médico máis próximo e comunicarllo inmediatamente a calquera dos responsables do Club (monitores/as da Escola, adestradores ou persoas a cargo nese momento), que tramitarán os documentos necesarios coa aseguradora. Os hospitais cubertos polo seguro son:
- Hospital POLUSA. Rúa Doutor Iglesias Otero, s/n, 27004, Lugo.
- Sanatorio Privado NOSA SEÑORA DOS OLLOS GRANDES. Rúa Montevideo, 23, 27001, Lugo.
En caso de NON URXENCIA VITAL, poñerse en contacto inmediato con calquera dos responsables do Club (monitores/as da Escola, adestradores ou persoas a cargo nese momento) antes de acudir a ningún lugar. Eles/as contactarán coa aseguradora e trasladarán as instruccións que esta indique, informando do centro médico ao que se debe acudir para recibir a atención sanitaria que proceda.
