Información – Club

QUEN SOMOS?

.O club de atletismo máis antigo da provincia de Lugo, creado no ano 1984 co único obxectivo de fomentar a práctica de actividades físicas e deportivas na capital lucense. Con máis de 38 anos de experiencia, o LUCUS CAIXA RURAL GALEGA dispón dun equipo de adestradores e atletas de recoñecido prestixio.

 

POR QUE ATLETISMO?

  • É unha combinación de modalidades (correr, saltar e lanzar) que permite unha iniciación deportiva global e na que todas as persoas teñen cabida.
  • Fomenta a creación de hábitos de vida saudables.
  • Aporta a riqueza dun deporte individual, como é o atletismo,  coa práctica colectiva e o sentimento de equipo.

 

TEMPADA 2023 (1 xaneiro a 31 decembro 2023)

ATLETAS

Desde a categoría SUB16 ata MÁSTER

  • Categoría SUB16 (antiga cadete): atletas do 2009 e 2008.
  • Categoría SUB18 (antiga xuvenil): 2007 e 2006.
  • Categoría SUB20 (antiga xunior): 2005 e 2004.
  • Categoría SUB23 (antiga promesa): 2003, 2002 e 2001.
  • Categoría SENIOR: 2000 e anteriores.
  • Categoría MÁSTER (antiga veterán): desde o día en que se cumpren os 35 anos (incluído).

 

GRUPOS

O noso Club dispón dos seguintes grupos e adestradores para atender a totalidade das probas que constitúen o atletismo, organizados por modalidades.

  • Grupo de probas combinadas: Miguel Pérez, Pablo Modia, Iván Rey e Xavier Esteban.
    • Adestramentos: luns, martes, mércores, xoves e venres de 19:00 a 20:30/21:00 horas.
  • Grupo de medio fondo e fondo: Esteban Iglesia e Roberto Sánchez.
  • Grupo de valados: Pablo Gandoy López.
  • Grupo de saltos (altura): Germán Alonso Barreiro.
  • Grupo de saltos (pértega): Rubén Arroxo Fernández.
  • Grupo de lanzamentos: Eustorgio Martín Teijeiro.

 

HORARIOS E LUGARES

Os adestramentos teñen lugar nas Pistas de Atletismo do Estadio Gregorio Pérez Rivera (baixando da piscina As Pedreiras) e, polo xeral, adoitan ser en horario de tarde, de luns a venres e/ou sábado pola mañá; aínda que dependen de cada grupo de adestramento e están suxeitos ás condicións do adestrador correspondente.

 

COTA ANUAL DO CLUB [ ! ] NOVIDADE 

  • Cota estándar: 130€ | Posibilidade de pago en dous prazos: 80€ + 50€.
  • Cotas especiais para membros da mesma unidade familiar (pai, nai, fillos/as): 
    • Cota 2 atletas: 235€ | Pago en dous prazos: 145€ + 90€. | Pago en tres prazos: 120€ + 70€ + 45€.
    • Cota 3 atletas: 315€ | Pago en dous prazos: 195€ + 120€. | Pago en tres prazos: 160€ + 90€ + 65€.
    • Cota 4 atletas: 390€ | Pago en dous prazos: 240€ + 150€. | Pago en tres prazos: 200€ + 120€ + 70€.

O primeiro pago realizarase no momento de tramitar a ALTA ou RENOVACIÓN co Club. En caso de pago fraccionado, o primeiro prazo cargarase no momento de tramitar a ALTA ou RENOVACIÓN co Club, o segundo e/ou terceiro prazo cargarase automaticamente no método de pago seleccionado nos primeiros días do seguinte mes (pago en dous prazos) ou dos dous meses seguintes (pago en tres prazos). Exemplo: para un pago en tres prazos, o primeiro cargo realizarase en novembro; o segundo, nos primeiros días de decembro e o terceiro e último, nos primeiros días de xaneiro.

 

NOTA: estarán exentos/as de pago da cota anual do Club os/as atletas con dereitos de formación ou que quedasen entre os dez primeiros postos do ránking nacional na tempada anterior; a excepción da categoría Máster. 

 

Para efectuar o pago da cota anual, están dispoñibles as seguintes opcións:

  • Pago telemático: con tarxeta nun único pago ou fraccionado en ata tres prazos, que se cargarán automaticamente na conta. Neste caso, tedes que seleccionar a opción «Tarxeta» en «Datos de pago» ao facer a inscrición na plataforma Cluber.
  • Pago presencial: en efectivo ou con tarxeta nun único pago. Neste caso, terás que achegarte ata a oficina do Club en horario de atención (podes consultalo aquí) e tramitar alí a inscrición e o pago da cota.

 

! Os novos e novas atletas deben adquirir obrigatoriamente o chándal oficial do Club, que INCLÚE a equipación oficial de competición (camiseta/top + pantalón/malla/braga) e unha camiseta técnica de adestramento para as NOVAS ALTAS no Club. Podes realizar a reserva de talla e a compra directamente desde o enlace posterior ou na oficina do Club, en horario de atención (podes consultalo aquí).

 

ALTA E RENOVACIÓN DE ATLETAS [ ! ] NOVIDADE

Esta tempada 2023, a alta ou renovación de atletas realizarase a través da plataforma CLUBER, cubrindo o formulario do Club desde aquí ➤ «Inscricións» ou na imaxe posterior, así como o pagamento da cota anual, que se cargará automaticamente no método de pago seleccionado, sen ter que enviar o xustificante de pago.

(Tempada 2023)

[Se tes dúbidas, consulta o → TITORIAL PASO A PASO para realizar a inscrición correctamente]

 

En caso de atletas que procedan do estranxeiro, terán que engadir no formulario de inscrición (ou enviar ao correo electrónico atletismolucus@yahoo.es) a seguinte documentación:

  • Tarxeta de residente.
  • Certificado de empadroamento.

 

IMPORTANTE: o prazo máximo para a tramitación das licenzas da tempada 2023 será do 18 de novembro ao 13 de decembro de 2022. Fóra dese prazo, será responsabilidade de cada atleta abonar os recargos que poida aplicar a Federación correspondente.

 

COTA REDUCIDA [ ! ] NOVIDADE 

Para as persoas que se incorporen ao Club no último cuadrimestre da tempada en vigor (de setembro a decembro de 2022), existe unha cota reducida en función das distintas categorías, coa posibilidade de adestrar asegurados e/ou competir estes últimos meses do ano:

CATEGORÍAS COTA REDUCIDA CLUB
  • Atletas do ano 2009 *
  • Categoría SUB16 (2008-2007) 
  • Categoría SUB18 (2006-2005)
  • Categoría SUB20 (2004-2003)
35€
  • Categoría SUB23 (2002-2000)
  • Categoría SENIOR (1999-1988)
  • Categoría MÁSTER (35+ anos)
50€
* Os atletas do ano 2009 que se incorporen ao Club no último cuadrimestre da tempada en vigor, terán a consideración de atletas SUB16 a efectos de adestramento e organización, sempre que non teñan licenza federativa por outro Club de atletismo a presente tempada. 

 

O importe da cota reducida INCLÚE:

  • Licenza federativa autonómica (de setembro a decembro de 2022).
  • Seguro deportivo de accidentes.
  • Camiseta técnica de adestramento.
  • Inscrición en competicións federadas de tipo autonómico.
  • Acceso ás instalacións e ao material deportivo do Club.
(Tempada 2022)

 

! Os novos e novas atletas deben adquirir obrigatoriamente o chándal oficial do Club, que INCLÚE a equipación oficial de competición (camiseta/top + pantalón/malla/braga) para as NOVAS ALTAS no Club. Podes realizar a reserva de talla e a compra directamente desde o enlace posterior ou na oficina do Club, en horario de atención (podes consultalo aquí).

 

CONTACTO

Se tes algunha dúbida ou precisas máis información, podes atoparnos na oficina do Club situada nas Pistas de Atletismo do Estadio Gregorio Pérez Rivera (baixando da Piscina As Pedreiras) ou contactar con nós a través do noso enderezo electrónico atletismolucus@yahoo.es (máis información de contacto aquí). 

 

ESTAMOS DESEXANDO COÑECERTE!!

Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email