RESULTADOS da II CARREIRA POPULAR CAMPUS TERRA LEYMA (2 decembro, Lugo)

Boas sensacións o pasado domingo 2 de decembro na II CARREIRA POPULAR CAMPUS TERRA LEYMA, que se disputaba nos arredores das facultades universitarias e nas Pistas de Atletismo do Estadio Gregorio Pérez Rivera, desde as 11:00 horas da mañá.

© Páxina web da USC.

Esta iniciativa, mediante a cal o Servizo de Deportes da USC e o Campus Terra pretenden fomentar hábitos saudables no estudiantado e na sociedade, serve tamén para apoiar unha causa solidaria, pois unha porcentaxe das inscricións das persoas adultas dóase á Fundación Galega contra a Droga.

Ao longo da mañá, tiveron a oportunidade de participar desde as categorías menores e escolares, con representación da nosa Escola de Atletismo, ata a categoría absoluta, que pecharía a xornada nun percorrido de máis de 7km, no que Daniel Pérez Murado conseguiría rematar na segunda posición e cun tempo de 25:17, converténdose no subcampión da proba.

Non estaría lonxe Kevin Darriba Corral, cuxo rexistro de 26:33 manteríao nunha merecida cuarta posición; ao que seguiría José Manuel Traseira Meilán, expresidente do LUCUS CAIXA RURAL GALEGA, que detivo o cronómetro nos 34:46.

Preme na imaxe posterior para acceder aos resultados completos.

NORABOA ATLETAS!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email
Share on Google+
Google+