CAMPIONATO DE GALICIA CAMPO A TRAVÉS individual e por equipos (3 febreiro, As Pontes)

Esta fin de semana acollerá o CAMPIONATO DE GALICIA DE CAMPO A TRAVÉS INDIVIDUAL E POR EQUIPOS, no que as categorías SUB20, SUB23 e absoluta loitarán por conseguir os títulos galegos nesta modalidade, nunha data previa ao vindeiro Campionato de España por seleccións.

O circuíto escollido para a ocasión foi o Lago de As Pontes, na provincia coruñesa, onde os/as atletas máis destacados dos distintos clubs terán o oportunidade de lucirse este domingo 3 de febreiro, nun dos acontecementos máis importantes do atletismo no relativo a esta especialidade de cross. Por parte do LUCUS CAIXA RURAL GALEGA, Paula Castro-Gil será a primeira das nosas fondistas en participar na SUB20 feminina de 5km, ás 10:30 horas; á que seguirá Laura Santos na categoría SUB23 e absoluta, unha das favoritas na carreira das 11:35h, que percorre preto dos 9.000 metros.

© Imaxe de portada, tomada por Fotocarlosgrafias.
En canto aos rapaces, na SUB20 masculina estarán Kevin Darriba, Agustín Cordero e Ismael Francos presentes ás 11:00 horas nos seus 7.000 metros de percorrido. E pechando a xornada ás 12:35h, serán Xabier Rodríguez, Marco Fernández e Daniel Pérez os representantes do Lucus na categoría SUB23; mentres que Manuel Eiras, Nicolás Arrojo, Xabier Díaz, Juan Gude e Esteban Iglesia farán o seu na absoluta, nun circuíto total de 9km.

© Imaxe tomada por Fotocarlosgrafías.

Sen máis, deixámosvos información relativa á competición e o enlace para poder seguir os resultados en directo!

Regulamento e horario Sorteo de caixóns e circuíto
MOITO ÉXITO, FONDISTAS!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *