HABEMUS NOVA PRESIDENCIA NO CLUB!!

Tras o período electoral que tivo lugar no mes de marzo, e  presentada como única candidatura a de MANUEL IGNACIO CASTRO-GIL IGLESIAS, a Xunta Electoral proclamábao o pasado 22 de marzo como novo Presidente do LUCUS CAIXA RURAL GALEGA por un mandato de catro anos.

A pasada semana, Manuel Ignacio Castro-Gil tomaba posesión do cargo como Presidente do Club, recibindo o testigo de traspaso de poderes da man da anterior Presidenta, Erika Arribas Rodríguez.

Unha nova incorporación que asume o cargo con entusiasmo e coa responsabilidade que iso conleva, para o cal solicita tamén o apoio de todos os adestradores e atletas do Club, co obxectivo común de seguir mantendo ao LUCUS CAIXA RURAL GALEGA como un referente do atletismo lucense e autonómico.

Desexámoslle a Lalo, así coñecido con agarimo nas pistas de atletismo, o maior dos éxitos neste reto que supón unha nova etapa no Club, así como agradecémoslle a Erika Arribas o seu traballo, esforzo e desempeño nestes últimos anos.

Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Deja un comentario

Tu dirección de correo electrónico no será publicada. Los campos obligatorios están marcados con *