CONTINÚA A TEMPADA DE CAMPO A TRAVÉS (domingo 2 febreiro)
Seguimos disputando as competicións de campo a través nunha fin de semana protagonizada polas categorías menores e atletas máster, que este domingo 2 febreiro celebrarán os seus campionatos provincial e autonómico, respectivamente.
O primeiro deles será no Circuíto A Madalena en Vilalba (Lugo), onde terá lugar o CAMPIONATO PROVINCIAL DE CAMPO A TRAVÉS – XOGADE para atletas de SUB10 a SUB16, logo dos resultados obtidos na fase previa na que conseguiron clasificarse un total de trinta atletas, con equipos en todas as categorías femininas, un equipo na SUB14 masculina e atletas individuais nas SUB10, SUB12 e SUB16 masculinas. Deixámosvos o circuíto e horario das carreiras a continuación, nunha xornada que dará comezo ás 11:30 horas e rematará arredor do mediodía.
CIRCUÍTO
| HORA | CATEGORÍA | DISTANCIA | PERCORRIDO | |
| 11:30 | SUB10/BENX | FEM | 1.000m | 1 Volta Grande |
| 11:40 | MASC | |||
| 11:50 | SUB12/ALEV | FEM | 1.500m | Saída – 2 Voltas Pequenas – Meta |
| 12:05 | MASC | |||
| 12:20 | SUB14/INF | FEM | 2.000m | 2 Voltas Grandes |
| 12:35 | MASC | |||
| 12:50 | SUB16/CAD | FEM | 2.500m | Saída – 2 Voltas Pequenas – Meta – 1 Volta Grande |
| 13:10 | MASC | |||
| VOLTA PEQUENA: A – B – C – D – E – A
VOLTA GRANDE: Saída – Volta Pequena – Meta |
||||
O traslado ata Vilalba será en autobús desde Lugo (ás 9:30 horas diante do IES Lucus Augusti, antigo Masculino), tomarán alí un bocadillo que proporciona a organización e a volta está prevista ao remate das premiacións, despois das carreiras. PRÉGASE ACUDIR 10 MINUTOS ANTES para respectar a hora de saída do transporte e chegada en tempo á competición.
! Lembrade, coma sempre, os seguintes aspectos importantes:
- En caso de non acudir á competición ou non desprazarse en autobús, avisa canto antes a calquera dos/as responsables do Club para que o teña en conta.
- Trae imperdibles para colocar o dorsal, un documento que acredite a túa identidade, zapatillas de cravos (se as tes) e roupa de cambio (segundo a meteoroloxía).
- Viste a equipación de competir do Club ou, no seu defecto, a roupa de adestramento obrigatoria da Escola (camiseta a suadoiro).
- Disfruta moito da xornada e da competición en equipo!
Podedes consultar os resultados obtidos nas fases anteriores desde os seguintes enlaces:
Fase Preparatoria (1 decembro 2019) |
Fase Clasificatoria (19 xaneiro 2020) |
De xeito paralelo, na localidade coruñesa da Pobra do Caramiñal, os/as atletas veteráns do Lucus Caixa Rural Galega disputarán o seu CAMPIONATO DE GALICIA MÁSTER DE CAMPO A TRAVÉS, ata onde se desprazarán un total de cinco atletas para loitar polos títulos individuais e por equipos.
Será tamén na xornada de domingo a partir das 11:30 horas, en horario único de mañá que rematará coa cerimonia de premiación. Na categoría feminina, Carmen Novo estará representando ao equipo na carreira dos 5.500 metros; mentres que na masculina estará presente o equipo formado por Xabier Díaz, Emilio Gontá, Juan Gude e Gerardo Raposo, que participarán ademais nas distintas categorías individuais da mesma distancia.
Tedes toda a información relativa ao Campionato a continuación, onde podedes consultar o circuíto e o regulamento da proba.
 |
 |
A DAR O MELLOR DE VÓS, EQUIPOS!!
También te puede interesar
DÍA INTERNACIONAL CONTRA O CANCRO DE MAMA – 19 OUTUBRO 2018
RESULTADOS dos CAMPIONATOS DE GALICIA DE CAMPO A TRAVÉS (27 xaneiro, A Rúa)
