ADI IGLESIAS NO CAMPIONATO DE EUROPA DE ATLETISMO PARALÍMPICO (1-5 xuño, Polonia)

Esta semana celébrase en Polonia o CAMPIONATO DE EUROPA DE ATLETISMO PARALÍMPICO, o maior evento deportivo do ano antes dos Xogos Paralímpicos de Tokio 2020, ambos os dous aprazados a tempada pasada pola situación sanitaria mundial.

Adi Iglesias en Polonia.

Do 1 ao 5 de xuño, o estadio polaco Zdzislaw Krzyszkowiak acollerá cerca de 700 atletas de máis de 40 países diferentes na que será a sétima edición do Campionato Europeo e a primeira no país, e que contará con atletas plusmarquistas a nivel mundial e medallistas europeos e mundiais nas distintas carreiras e concursos. Máis de 40 deportistas españois con diversidade funcional están xa en Bydgoszcz co obxectivo de conseguir as marcas mínimas e asegurar a súa praza para os Xogos Paralímpicos de Tokio, que terán lugar o vindeiro mes de agosto.

 

Alí se atopa a nosa velocista Adi Iglesias, que buscará principalmente mellorar os seus rexistros, sumar experiencias e desfrutar do espectáculo deportivo, coa tranquilidade de ser unha das 16 prazas aseguradas do Comité Paralímpico Español para os Xogos, logo de conseguir a mínima para Tokio no Campionato do Mundo Paralímpico de Dubái 2019.

As probas nas que participará serán os 100 metros lisos, os 400 ml e o relevo mixto 4×100, logo do cambio da categoría T12 á T13 que a aparta dos 200 metros lisos. Poderedes seguila desde mañá (os días 2, 3 e 4 de xuño) a través dos seguintes enlaces, polos que a estaremos apoiando e acompañando desde España.

 

Deixámosvos máis enlaces de interese para que non vos perdades nada.

Páxina oficial da FEDC.

 

 

 

 

 

 

 

Páxina oficial do Comité Paralímpico Español.

 

 

 

 

Páxina oficial do Para atletismo mundial.

 

 

 

 

 

 

 

 

 
ESTAMOS CONTIGO, ADI, A DAR O TEU MELLOR!!
Non esquezas compartir en...
Share on Facebook
Facebook
Tweet about this on Twitter
Twitter
Email this to someone
email

Dejar una respuesta

Tu dirección de correo electrónico no será publicada. Los campos obligatorios están marcados con *