NOVA EDICIÓN DE «SALTAR NA RÚA» EN LUGO – 12 OUTUBRO 2023

Logo do éxito da actividade tras dous anos consecutivos na capital lucense, o Club Atletismo Lucus Caixa Rural Galega, coa colaboración do Concello e a Deputación de Lugo, organiza unha nova edición de «SALTAR NA RÚA» en Lugo, a exhibición de saltos que este ano terá lugar o xoves 12 de outubro de 2023, co obxectivo de seguir achegando o atletismo á poboación da cidade. Desta vez será en pleno centro e en xornada de mañá, para despedir o San Froilán por todo o alto.

A partir das 12:00 horas na Praza Horta do Seminario (Avenida de Ramón Ferreiro), poderedes volver desfrutar dunha pequena mostra en plena rúa das disciplinas de salto de lonxitude e salto con pértega, sen dúbida un auténtico espectáculo a carón do recinto feiral, acompañados de grandes atletas referentes do ámbito do atletismo.

Aquí podes escoitar a nosa intervención nos programas de radio especiais de San Froilán 2023, falando sobre a nova edición de «SALTAR NA RÚA» en Lugo e a actividade deportiva do Lucus Caixa Rural Galega, o Club con máis traxectoria da cidade. Sígueos en directo ou volve escoitalos se perdiches algún. Este ano vai ben anunciado!

• COPE (Programa Especial San Froilán 2023) – Martes 3 outubro 

Se queres escoitar o programa completo, accede directamente aquí.

• RADIOVOZ (Voces de Lugo) – Mércores 4 outubro

Se queres escoitar o programa completo, accede directamente aquí.

• ONDA CERO (Más de uno Lugo) – Xoves 5 outubro

• CADENA SER (Hoy por Hoy Lugo) – Venres 6 outubro

Se queres escoitar o programa completo, accede directamente aquí.

• RADIOVOZ (Un Café con Eva) – Martes 10 outubro

Se queres escoitar o programa completo, accede directamente aquí.

• RADIOVOZ (Con otra Voz) – Xoves 12 outubro 

Se queres escoitar o programa completo, accede directamente aquí.

LEMBRA …

A partir das 12:00 horas

Praza Horta do Seminario (Avda. Ramón Ferreiro)

 GRATIS

AGARDÁMOSVOS, NON PODEDES FALTAR A ESTA NOVA EDICIÓN!