ABERTO O PRAZO PARA TRAMITAR AS LICENZAS – TEMPADA 2024

Infórmase de que está aberto o prazo do Club para tramitar as altas ou renovacións das licenzas deportivas para a TEMPADA 2024, dispoñible para atletas das categorías SUB16 a Máster (ano 2010 e anteriores), que dará comezo o vindeiro 1 de xaneiro ata o 31 de decembro de 2024.

Xa podedes realizar a alta ou renovación online desde CLUBER, a plataforma de xestión deportiva que comezamos a utilizar o ano pasado e a través da cal seguimos dixitalizando trámites como a inscrición de atletas, o cargo programado das cotas ou o pago online de material, co obxectivo de mellorar os servizos do Club e ofrecervos máis posibilidades.

 

O procedemento para realizar a ALTA ou RENOVACIÓN para a Tempada 2024 será o seguinte:

1.- Cubrir o formulario de inscrición online (dispoñible aquí ➤ «Inscricións») e seguir os pasos que se indican.

2.- Realizar o pago da cota anual do Club no método que prefiras:

        • Pago programado online: con tarxeta nun único pago ou fraccionado en ata tres prazos, que se cargarán nos 3/4 días seguintes na conta asociada á tarxeta. Neste caso, selecciona a opción «Tarxeta» en «Datos de pago» ao facer a inscrición no formulario web.
        • Pago directo online: con tarxeta nun único pago directamente desde ➤ aquí. Neste caso, non se programará ningún pago desde Cluber.
        • Pago presencial: en efectivo ou con tarxeta nun único pago. Neste caso, tes que achegarte ata a oficina do Club en horario de atención (podes consultalo aquí) e tramitar alí a inscrición e o pago da cota.

! En caso de atletas procedentes do estranxeiro, terán que engadir no formulario de inscrición web (ou enviar ao correo electrónico atletismolucus@yahoo.es) a tarxeta de residente e o certificado de empadroamento.

Tempada 2024

Lembrade que as ALTAS NOVAS deben cubrir e enviar o CONSENTIMENTO LEGAL para o tratamento e cesión dos datos persoais por parte da Federación, podedes facelo desde aquí. Sen este requisito, a Federación non activará a licenza deportiva.

 

[ ! ] IMPORTANTE: o prazo ordinario de renovación das licenzas para a TEMPADA 2024 será ata o 15 de decembro de 2023. Fóra dese prazo, será responsabilidade de cada atleta abonar os recargos que poida aplicar a Federación correspondente.

 
Moitas grazas a todos/as pola confianza no Club e por formar parte do LUCUS!
Non esquezas compartir en...
Share on facebook
Facebook
Share on twitter
Twitter
Share on whatsapp
Whatsapp
Share on email
Email
Share on google
Google

Dejar una respuesta

Tu dirección de correo electrónico no será publicada. Los campos obligatorios están marcados con *