![](https://www.atletismolucus.org/wp-content/uploads/2020/02/Convocatorias_Selección_Galega_Campoatravés.jpg)
NOVAS CONVOCATORIAS COA SELECCIÓN GALEGA PARA OS NACIONAIS DE CAMPO A TRAVÉS
Continúan as convocatorias de atletas do Lucus Caixa Rural Galega para representar á Comunidade Autonómica nos vindeiros campionatos nacionais de campo a través que se disputarán no mes de marzo.
![](https://www.atletismolucus.org/wp-content/uploads/2020/02/Hugo-marcha_Federación-Galega-Atletismo-300x221.jpg)
Hai unhas semanas xa celebrábamos o resultado de Hugo Martínez, convocado pola Selección Galega para constituír o equipo SUB20 no CAMPIONATO DE ESPAÑA DE MARCHA POR FEDERACIÓNS AUTONÓMICAS, no que acadaba o segundo posto do equipo galego cun rexistro de 50.32 e conseguía manter a sétima posición absoluta na clasificación final da proba.
A principios desta semana chegaba a segunda boa nova para o Club coa publicación dos equipos galegos que tomarán parte nos CAMPIONATOS DE ESPAÑA DE CAMPO A TRAVÉS, logo da selección de tres atletas máis do Lucus Caixa Rural Galega para compoñer os equipos que loitarán polos títulos nacionais.
As primeiras en debutar serán Laura Santos e Inés Blanco, atletas da categoría SUB23 que participarán coa Selección Galega o vindeiro 8 de marzo en Zaragoza. O domingo seguinte, 15 de marzo, será Lucía Varela a que compita en Pamplona formando o equipo galego SUB18, no nacional de campo a través para as categorías escolares.
GRANDE NORABOA E A DAR O MELLOR DE VÓS, RAPAZAS!
![](https://www.atletismolucus.org/wp-content/uploads/2020/02/CtoEspañaAbsolutoPC_29-010320-75x75.jpg)
![](https://www.atletismolucus.org/wp-content/uploads/2020/02/RESULTADOS_findesemana_15-160220-75x75.jpg)